Nangayo sang kaathagan si Senator-judge Erwin Tulfo kay former COA–Intelligence and Confidential Funds Audit Office (COA-ICFAO) state auditor nga si Atty. Roderick Wamil kun ginatugutan sang ginapatuman nga mga patakaran ang paggamit sang mga alyas sang mga tawo nga nagabaton sang confidential funds.
Nagsabat si Wamil nga wala sang maathag nga probisyon ang COA-DBM Joint Circular No. 2015-01 tuhuy diri.
Bangud diri, suno kay Wamil, ang paggamit sang mga alyas ang “neither allowed nor prohibited” ukon indi direkta nga ginatugutan kag indi man direkta nga ginadumilian sa idalom sang circular.
Sa pamangkot naman kun ngaa wala ginhibalo sang COA ang matuod nga identity nanday “Mary Grace Piattos,” “C.P. MacDonald,” kag “Mickey Mouse,” ginsiling ni Wamil nga ang ginhimo nga audit sang ahensya ang nagsentro lang sa pagsunod sa ginapatuman nga mga regulasyon.
Ginpamangkot naman ni Senador-judge Sherwin Gatchalian kun ginbusisi man sang Commission on Audit ukon COA ang matuod nga identity sang mga pangalan nga yara sa acknowledgement receipt nga ginpasa bilang liquidation sang confidential funds sang Office of the Vice President.
Nagsabat naman ang testigo nga si former COA–Intelligence and Confidential Funds Audit Office ukon COA-ICFAO state auditor nga si Atty. Roderick Wamil nga wala nalakip sa ila nga compliance audit ang pagberipika sa identity sang mga nagbaton sang pondo.
Pahayag ni Wamil, ang nangin sentro sang audit amo nga kun ang mga ginpasa nga dokumento ang nagasunod sa mga gintalana nga rekisitos sang COA-DBM Joint Memorandum Circular No. 2015-01.
Ginpaathag man niya nga base lamang sa mga dokumento nga ginpasa, indi mapat-ud sang mga auditor kun ang mga pangalan nga nakabtuang ang matuod nga pangalan ukon mga alyas.
