Arestado ang isa ka laborer matapos ang masobra duha ka dekada sa Brgy. Mabini, Buenavista, Guimaras.
Ini matapos nga ginserbihan sang warrant of arrest sang Maasin Municipal Police Station sa kaso nga murder.
Ang suspek amo si alias Berto, 53-anyos, residente sang Mabini, Buenavista, Guimaras.
Sa interview sang Bombo Radyo kay Police Lieutenant Cyrone Empedrad, hepe sang Maasin Municipal Police Station, iya ginpahayag nga wanted ang suspek sa nahimo sini nga krimen sang ini ang solterito pa sang Marso 4, 1999 sa Brgy. Dulusan, Maasin, Iloilo.
Suno kay Empredad, 26 ka tuig antes natigayon nga maaresto ang suspek.
Nahibaluan nga gin-issue ang Executive Judge sang Regional Trial Court sang 6th Judicial Region kag wala sang may gin-rekomendar nga piyansa.
