NUEVA VALENCIA GUIMARAS– Dakop ang isa ka wanted person sa Nueva Valencia, Guimaras.
Ang arestado ang ginkilala nga si Raymond Ganancial, 29, sang Brgy. Calaya sa nasambit nga banwa.
Sa interview sang Bombo Radyo kay Police Lieutenant Norman Pacifico, hepe sang Nueva Valencia Municipal Police Station, iya ginpahayag nga madinalag-on nila nga naserbe ang warrant of arrest batok kay Ganancial.
Suno kay Pacifico, gindakop nila si Ganancial bangud sa pagpanglampos sa 15 anyos niya nga hinablos.
Dugang pa ni Pacifico, maisog kag nagapanggamo sa tion nga mahubog ang arestado kag madamo naman ang nagareklamo.
Sa subong, preso na sa Nueva Valencia Municipal Police Station si Ganancial kag magapangatubang sang nagakaigo nga kaso.
