Naglugdang ang ginakabig most-advanced nga locally-made warship sang Iran samtang yara sa port sa syudad sang Bandar Abbas nga malapit sa Strait of Hormuz.
Sandig sa reports sang Iranian media, “aksidente” ang natabo samtang nga ginakaayo ang amo nga naval destroyer IRIS Sahand (F74).
Ginpahayag man nga nadulaan ini sang balanse bangud sa pagsulod sang tubig sa tangke sini.
May mga tawo nga nagkalasamaran kag subong gindala na sa ospital.
Ini nga 1,300-ton vessel ang may yara sang surface-to-surface kag surface-to-air missiles, anti-aircraft batteries kag sophisticated radar and radar-evading capabilities.
Ginpaguwa ini sang 2018 kag bag-o lang nahatagan sang upgrade sa weapons kag sensors kag hana na kuntani nga magpatigayon sang routine patrol sang natabo ang amo nga insidente.
