Nagsugod na ang pagpapatrolya sang mga warships sang Indian Navy sa gina-awayan nga South China Sea kaupod ang mga sakop sang Philippine Navy, sa pinakauna nga higayon, suno sa pahayag sang Armed Forces of the Philippines (AFP).
Ini nga lihok natabo samtang si President Ferdinand Marcos Jr. nagbiyahe pa-New Delhi para sa isa ka state visit.
Ang duha ka adlaw nga joint maritime patrol, nga nagsugod sang Domingo, ginlunsaran isa ka adlaw antes ang opisyal nga biyahe ni Marcos Jr. padulong sa India, kun sa diin may yara siya sang bilateral nga dayalogo kay Indian Prime Minister Narendra Modi.
Nagapadayon ang pagpabskog sang Pilipinas sang iya defense cooperation upod sa iban nga mga nasyon, partikular sa tunga sang padayon nga tensyon sa South China Sea.
Tatlo ka barko sang Indian Navy ang nag-join sa operasyon, lakip na diri ang INS Delhi, isa ka guided missile destroyer.
Ang mga barko sang India nag-abot sa Manila sang nagligad nga semana para sa isa ka port visit antes magsugod ang nasambit nga patrol mission.
