ILOILO CITY- Ginatinguhaan subong sang organizers sang Paris 2024 Olympics nga mabalik sa normal ang kalidad sang tubig sa River Seine nga isa sa mga venue sang hinampang.
Ini kasunod sang naggwa nga resulta sang water quality tests kun sa diin 10 ka beses nga mataas sa gina-require sang sports federations ang presensya sang E.Coli sa tubig sa suba.
Suno kay Bombo Joey Infante, international correspondent sa France, ginpahayag sang local government sang Paris nga nagnubo ang quality sang tubig bangud sa unfavourable hydrological conditions, gamay nga silak sang adlaw, below-average seasonal temperatures kag upstream pollution.
Ang Olympics magasugod sa Hulyo 26 kag natalana ang men’s and women’s triathlon sa Hulyo 30 kag 31 samtang ang mixed event naman ang natalana sa Agusto 5.
Maga-host man ang Seine River sang marathon swimming sa Olympics sa Agusto 8 kag 9 August kag ang Para-triathlon event sa Paralympics nga magasugod sa Agusto.
