Wala sa gihapon ginagamit ang 39 ka mga water tanks nga ipahamtang sa nagkalain-lain nga mga barangay sa syudad sang Iloilo.
Sa interview sang Bombo Radyo kay Iloilo City Mayor Jose Espinosa III, iya ginpahayag nga ginahulat pa niya ang City Disaster Risk Reduction and Management Office(CDRRMO) sa pagpamuno ni Donna Magno nga magdeklarar sang water crisis sa syudad.
Suno kay Espinosa, sa tion nga madeklarar na sang CDDRMO ang water crisis, ini ang iga -endorso sa Sangguniang Panlungsod agud mapaidalom sa deliberasyon antes makadeklarar sang state of water crisis sa syudad.
Nahibaluan nga ang nasambit nga water tanks nga may kapasidad nga 2, 000 litro ang ipahamtang sa pili nga mga barangay sa Arevalo kag City Proper nga tuman nga nagabatyag sang krisis sa tubig.
