Ginpakita na sa publiko ang pinakauna nga Filipino wax figure nga anggid ang itsura kay Miss Universe 2018 Catriona Gray kag ini ang nahamtang sa Madame Tussauds sa Singapore.
Nahibaluan nga 2019 pa sang una nabalitaan nga may yara sang igalunsyar nga wax figure ni Catriona.
Nagtambung mismo si Catriona sa unveiling sang iya wax figure sa Singapore kag nagpasalamat sa tanan nga naghulat gid kag nangin parte sang proyekto nga indi lang mapabugal niya saiya kaugalingon gundi isa man ka dako nga dungog para sa mga Pilipino.
Ginpakigbahin naman ni Eric Mak, General Manager sang Madame Tussauds Singapore, ang rason kun ngaa si Catriona ang ila napilian nga pahimuan sang wax figure bilang pinakauna nga Filipino nga kalakip sa ila Hall of Fame kag amo man ang una nga wax figure nga ila ginlunsyar makaligad ang duha tuig.
Sa masunod nga anom ka bulan, mahimo na nga palapitan sang mga bisita ang wax figure sang beauty queen sa Madame Tussauds Singapore.
Ang itsura sang wax figure ang kaangay gid sa coronation-winning look ni Catriona Gray sang 2018.
Ang “lava dress” nga suksok sa wax figure ang ginpaubra gid sa isa ka Filipino designer nga amo man ang naghuman sang orihinal nga lava gown ni Catriona sa Miss Universe 2018 pageant.
