Kakulba, kahangawa kag kabalaka ang nabatyagan sang mga residente sang Myanmar bangud sa tensyon nga nagakatabo sa diin kontrolado subong sang militar ang nasambit nga pungsod.
Una na nga nagmandu ang National League for Democracy (NLD) nga i-release si Aung San Suu Kyi, ang de facto leader sang Myanmar sa idalom sang iya titulo bilang state counsellor, matapos nga pwersa ini nga gindakop sang militar bangud sa ginapahayag paglapas sa import kag export laws sang pungsod.
Apang Pebrero 15 pa posible nga paguwaon sa presohan si Suu Kyi.
Sa exclusive interview sang Bombo Radyo kay alyas Ling, estudyante sa Myanmar, iya ginpahayag nga kadam-an sa ila ang wala na nakahibalo kun ano ang ila mangin palaabuton sa ulihe.
Suno kay Ling, ginadumilian ang pagkadto sang mga tawo sa mga kaiping nga syudad ukon banwa sa Myanmar.
Matapos ang duha ka adlaw nga gindula ang telecommunication services, ini ang nagbalik na mangin ang mga banko ang nag-resume naman.
Apang ang mga dalan ang malinong sa gihapon sa diin may mga security forces nga naka-deploy.
Nagakabalaka ini bangud pila sa mga kabataan sang mga nagaprotesta ang nag-halalin naman sa ila mga trabaho.
Nahibaluan nga ginapanindugan sang militar nga may yara sang dinayaay nga natabo sang eleksyon sang Nobyembre 2020 sa diin nakakuha sang 83% nga boto si Suu Kyi sang National League for Democracy party.
Gani subong nagapanawagan ang G7 countries sa militar sang Myanmar nga respetuhon ang resulta sang eleksyon.
