Todo ang suporta sang pila ka miyembro sang Filipino community sa California sa pagpadalagan ni US President Donald Trump sa United States Presidential Election 2020.
Suno kay Bombo International Correspondent Kathy Kriewall direkta sa San Jose, California, USA, humalin sang nangin US citizen siya sang 1984, wala nagbaylo ang iya suporta sa Republicans apisar isa ka Democrat-dominated state ang California nga may yara sang 55 electoral college votes.
“We are Trump, we are voting for him. All the way, Red, Red, Red!,” pahayag ni Kriewall nga amo man ang presidente sang Northern California CPU Alumni Association. “There are few of them who will also be voting for Trump,” dugang pa ni Kriewall nga nagatumod sa iya mga kaupod sa nasambit nga asosasyon.
Ginpaathag sang natungdan nga may yara siya sang ‘strong conviction’ nga may pareho nga core values ukon pagpati ang mga Pilipino sa ginatindugan kag ginapakibato sang mga Republicans sa Estados Unidos.
Partikular nga gintumod ni Kriewall ang ‘value of family and life’ kag ang pagpamatok sang mga Republicans sa abortion: “I am one of them. I stand for life. I stand for the children, the babies.”
Apisar mas madamo sa California ang nagasuporta sa Democratic candidate nga si Joe Biden, bugalon si Kriewall nga subong nga campaign period, wala sang diskriminasyon nga naekperyensyahan ang minority nga Republicans bangud suno sa iya, ‘highly educated’ ang mga tawo sa ila nga lugar.
“In my area, it is diverse. We have a diverse population and a highly educated community so we do not really have that kind (discrimination),” suno kay Kriewall.
Kun sin-o man ang magdaug kanday Biden kag Trump sa palaabuton nga Nobyembre 3, ang importante suno sa natungdan, ginahimo niya ang iya nga responsibilidad bilang isa ka US Citizen.
“I really would like to win Trump, but whoever is going to win, I will adhere to what needs to be done as I am doing my part as citizen of the United States of America.”
