Ginpaathag ni President Ferdinand ”Bongbong” Marcos Jr. nga wala sang sarang magamit ang Pilipinas agud mapilit nga maghalin ang “monster ship” sang China nga yara sa sulod sang teritoryo sang Pilipinas.
Sa Malacañang, ginpamangkot si Marcos kun islan na bala sang gobyerno ang paagi ukon tikang sini bangud daw kaangay nga nagapabungol-bungol lang ang China Coast Guard (CCG) vessel CCG-5901.
Makapila ka beses na ini nga ginaradyuhan samtang yara sa Philippine exclusive economic zone (EEZ) apang ginaradyuhan man sini pabalik ang barko sang Pilipinas.
Suno kay Marcos, wala sang aircraft carrier ang Pilipinas nga may upod nga destroyer, frigate, kag submarine nga sarang pakadtuon didto kag magtulod palayo. Malayo ang China sa Pilipinas kun padamo-damo kag padaku-daku sang barko ang pagahambalan suno sa presidente, apang nagpasalig ini nga padayunon ang pagdepensa sa teritoryo kag kinamatarong nasyon sa sulod sang EEZ.
”Well, we don’t have the means na paalisin. Hindi naman – buti kung mayroon tayong aircraft carrier na may kasamang destroyer, frigate, at saka submarine na papupuntahin natin doon para matulak silang palayo. Wala naman tayong ganoon,” suno sa chief executive.
”Kung sa palakihan at paramihan lang ng barko, malayo tayo sa China. Pero ang policy naman natin is that we will just continue to defend our territorial, our sovereign territory and our territorial rights in the EEZ,” dugang sang presidente.
Sang weekend, gin-report sang Philippine Coast Guard (PCG) nga natabog sang BRP Teresa Magbanua ang monster ship halin sa coastline sang Zambales. Ginapahayag nga 117 nautical mules ang distansya sini halin sa coastline sang amo nga probinsya.
