Nagpabutyag si Golden State Warriors coach Steve Kerr nga indi niya luyag buy-an ang basketball superstar nga si Klay Thompson apisar sang mahina nga performance sini sa ginapanan-aw posible nga katapusan nga hampang sini para sa team.
Kasunod sang 118-94 nga kalutusan sang Warrios sa kamot sang Sacramento Kings sa Western Conference play-in tournament, padulong naman sa free agency ang 34-anyos nga guard kag indi pa klaro kun ano ang masunod sa iya karera.
Ang kalutusan sang Dubs ang nagakahulugan man nga nahulog na ini sa NBA playoff contention.
Wala naka-skor si Thompson sa katapusan nga game sang Warriors sa sini nga season — 0-for-10 shooting — nga amo ang ikalima nga tion sa iya karera nga wala ini nakapuntos kag ikaduha nga tion sa idalom ni Kerr.
Para sa coach, gusto pa sang Warriors nga makaupod ang nasambit nga guard nga isa man ka four-time NBA champion.
“We need Klay back. He’s still got good years left. And I know I speak for everybody in the organization: We want him back. … What Klay has meant to this franchise and as good as he still is, we desperately want him back,” suno kay Kerr.
“I’ve watched him the last couple years fighting the feeling of devastation from injuries and I watched him this season flip his season around. I saw him enjoy the second half of the season and play with a little more freedom and joy, so tonight was tough to see him struggle,” dugang sini.
Para naman kay Stephen Curry kasunod sang espekulasyon nga ini na posible ang katapusan nga hampang nga updanay sila nanday Thompson kag Draymond Green, ginsiling sini nga indi pa sini makit-an ang iya kaugalingon nga nagahampang nga wala ang duha.
Indi naman makit-an ni Green nga magabiya si Thompson bangud nagapati siya nga may bag-o nga deal: “I don’t think there’s any scenario where Klay leaves and that’s the best decision for this organization. …They did right by me. They’ve done right by Steph. They’ve done right by all of us. Klay tore his ACL and they paid him 160 million dollars. I have no reason to think ownership aren’t going to take care of us the way we taken care of this organization.”
Mayor nga parte sang franchise si Thompson nga nakadaog sang apat ka kampyonato kag anum ka byahe pa-Finals halin sang 2015-2022.
Ang iya 2,481 nga 3-pointers sa regular season amo ang ikaanum sa pinakamataas sa NBA history kag ang 501 sa playoffs ang mas mataas man sa bisan sin-o nga basketball star magluwas kay Curry.#
PHOTO: NBC SPORTS
