MANILA – Ginlunsyar sang Department of Tourism ang website kun sa diin makita ang listahan sang mga tourist spots nga ginbuksan apisar sang COVID-19 sa Pilipinas.
Ang nasambit nga website amo ang philippines.travel/safeph kun sa diin makita ang mga tourist spots nga mahimo padulungan gikan sa 81 ka mga probinsya.
Lakip sa tourist spots nga mahimo na padulungan amo ang Las Casas Filipinas de Azucar sa Bataan; Clark Freeport Zone kag pila ka destinasyon sa Pampanga; Anilao sa Batangas; Tagaytay Highlands kag pili nga golf and country clubs sa Cavite kag Boracay Island.
Ang pila ka tourist destinations ang magabaton lamang sang turista gikan sa specific areas kasubong sang Ilocos Norte para sa residente sang Luzon; Baguio para sa mga residente gikan sa pila ka mga lugar sa Luzon lakip na ang Metro Manila.
Ang iban naman nga tourist sites ang magabaton lamang sang travelers gikan sa ila respective cities, provinces ukon regions.
Nauna na nga ginpahayag ni DOT Secretary Bernadette Romulo-Puyat nga ang panibag-o nga travel restrictions sang Inter-Agency Task Force for the Management of Emerging Infectious Diseases ang makabulig sa pagpa-uswag sang ekonomiya sang pungsod.
