Tagsa sa aton ang may yara sang dream job.
Apang makabig bala nga dream job ang pagtulog?
Pat-od nga “huo” ang sabat sang iban ilabi na kun mas madamo pa ang oras sini sa trabaho ipaanggid sa pagtulog.
Gani may yara sang isa ka health advice website nga nagatanyag sang $2,000 ukon kapin P100,000 para matuman ang imo nga dream job.
Bayadan ka kabaylo sang imo mahamuok nga tulog sa sulod sang lima ka gab-i sa nagkalain-lain nga mga lugar lakip na sa isa ka five-star hotel.
Ang ini nga website ang nagapangita sang tawo nga makabulig sa ila nga matun-an pa ang mga impluwensya sang palibot sa kalidad sang tulog sang tawo.
Sa kada lugar nga tulugan sang mapili-an nga tawo ang maga-rate sang kada sleeping enviroment halin sa 1 to 10 kag magsulat man kun ano ang iya nangin eksperyensya sa pagtulog sa amo nga lugar.
‘Di bala indi kana piyerde sina? Matulog ka lang, may sweldo kapa.
