ILOILO CITY – Magapadayon sa gihapon ang pagpatuman sang quarantine protocol sa syudad sang Iloilo kasunod sang pagpalawig sang Enhanced Community Quarantine tubtub sa Mayo 15.
Sa interview sang Bombo Radyo kay Iloilo City Mayor Jerry Treñas, iya ginpahayag nga kinahanglanon sa gihapon ang quarantine pass, ipatuman ang curfew kag wala sa gihapon sang byahe sa syudad sang Iloilo tubtub nga may yara sang ipaguwa nga guidelines ang Inter-agency Task Force.
Sa pihak sini, ginpahayag ni Treñas nga umpisa Mayo 1, wala na sang weekend block-off nga patigayunon.
Nahibalu-an nga subong nga adlaw, Abril 30, gin-anunsyo ni Presidential Spokesperson Atty. Harry Roque nga isa ang Iloilo City sa mga lugar nga may extension sang Enhanced Community Quarantine.
