Weekend IATF meeting, patigayunon karon agud istoryahan ang nagataas nga kaso sang Delta variant

Magapatawag sang meeting si Presidente Rodrigo Duterte sa mga myembro sang Inter-Agency Task Force (IATF) las 6 karon sa kasisidmon agud istoryahan ang nagataas nga kaso sang mas makalalaton nga Delta variant sa pungsod.

Ginkumpirma mismo ni Presidential Spokesperson Atty. Harry Roque ang patigayunon nga special meeting.

Una na nga ginpahayag sang Department of Health (DOH) nga may yara na sang local transmission sang Delta variant sa Pilipinas sa diin ini ang mahimo nga makalaton sa lima tubtob walo ka tawo sa isa lang nga pag-igo.

Sa subong, ang pungsod ang nakarekord na sang 47 ka mga kaso sang Delta variant.

Matandaan nga sa Talk to the Nation sang Presidente sang damlag lang, ginpahayag sini nga posible magabalik sa mas istrikto nga restrictions ang pungsod bangud sa nasambit nga variant sang COVID-19.