Iloilo – Nakapasa na ang tanan nga full-fledged colonels kag generals sang Police Regional Office 6 sang ila courtesy resignation.
Ini ang kasunod sa panawagan ni Department of Interior and Local Government Secretary Benhur Abalos nga maghatag ligwa para sa “internal cleansing” sa hanay sang kapulisan nga naangot sa illegal drug trade.
Suno kay Abalos, kapin 300 ka mga colonels kag generals ang nadiskubrehan nga involved.
Sa interview sang Bombo Radyo kay Police Brigadier General Leo Francisco, Director sang Police Regional Office 6, iya ginpahayag nga 20 ka mga colonels, kag duha ka generals ang nakapasa na sang ila courtesy resignation.
Gin-athag ni Francisco nga wala niya gin-pressure ang mga opisyal nga mag-submit sang ila courtesy resignation kag lunsay unanimous ang desisyon sang mga ini.
Nahibaluan nga una na nga nag-submit sang iya courtesy resignation si Francisco kag ginsundan sang iban nga high ranking officials.
Samtang, magapadayon sa gihapon sa pag-obra sang ila tagsa ka katungdanan ang mga opisyal samtang nagahulat sang imbestigasyon sang National Police Commission.
Kun mapamatud-an ang mga ini nga naangot sila sa iligal nga droga, maga-atubang ang sin o man nga opisyal sang nagakaigo nga kaso.
