Kaangay sa iya ginpromisa kay Education Secretary Sonny Angara, nagpahayag si President Ferdinand Marcos Jr. nga remedyuhan sini agud ibalik ang P10 billion nga ginkakas halin sa proposed budget sang Department of Education (DepEd) para sa 2025.
Sa nauna nga pahayag ni Angara, nagpabutyag ini sa pagkadismaya sa kabug-usan nga P12 billion reduction sa 2025 budget sang ahensya bangud ginaplano kuntani nga ipain ang P10 billion para sa computerization program.
Suno naman kay Marcos sa interview sa Malacañang, gina-trabaho na sini ang pag-restore ukon pagbalik sini nga budget.
“I think it is contrary to all our policy direction when we talk about the STEM development of our educational sector and then the continuing development,” suno kay Marcos.
“So we’re working on it to make sure that we will restore it,” dugang sini.
Ini nga sabat ni Marcos ang kasunod sang panawagan sang pila man ka mga lawmakers nga ibalik ang halos P12 billion nga budget cut sa DepEd kag P30 billion cut nga para sa state universities and colleges (SUCs).
Ini bisan base sa Article 5 sang 1987 Constitution, ang education amo dapat ang makabaton sang highest budget.
“Napakalaki ng cut, almost 42B on the education sector. So sana po ma-remedy pa po ni Presidente yun. May veto powers po siya,” suno kay former Senate President Juan Miguel Zubiri. “Nakikita ko po ang frustration ni Secretary Angara and I fully support his frustration.”
Mangin si presidential sister Imee Marcos ang nagpangabay man sa iya utod nga repasuhon gid sang maayo ang proposed budget antes ini pirmahan.
