Wala sang dapat kahangaw-an ang mga pumuluyo sang Iloilo Province sa African Swine Fever (ASF).
Sa interview sang Bombo Radyo kay Iloilo Governor Arthur Defensor Jr., iya ginpahayag nga ASF free ang Western Visayas gani wala sang dapat kabalak-an sa pamahog nga dala sini.
Suno kay Defensor, indi man kinahanglan sang probinsya ang importation ukon pagpasulod sang baboy bangud diri mismo nagahalin ang mga pork products nga ginapadala sa National Capital Region.
Pahayag sang natungdan, nagasupply lang ang probinsya sang baboy kag wala nagapagwa.
