ILOILO CITY — Nagpasalig ang Western Visayas Alliance Transport Coopertaive Incorporation (WVATCI) nga bastante ang byahe sang mga modernized jeepney unit sa Iloilo City pananglitan nga indi makabyahe ang mga unconsolidated jeepney.
Sa interview sang Bombo Radyo kay Rizalito Alido, president sang nasambit nga kooperatiba, iya ginpahayag nga sa subong, indi pa makita ang epekto sang pagkadula sang unconsolidated jeepney sa syudad, apang ginapasigurado sini nga may yara na sila nga tikang pananglitan mabatyagan gidman ang epekto sini.
Suno kay Alido, tatlo sa isa ka semana nga nagapakigsapol ang alyansa sa transport groups sa syudad kaangay na lamang sa Land Transportation Office and Regulatory Board (LTFRB) agud matumod ang mga tikang kag maplastar ang solusyon.
Ginpahayag man ni Alido nga kun magkulang ang mga de-pampasahero nga jeep, maga-augment sila sang dugang nga modernized units.
