ILOILO CITY – Gindayaw ni Department of Education (DepEd) Secretary Leonor Briones ang delegasyon sang Western Visayas sa ginpatigayon nga opening ceremony sang Palarong Pambansa 2018 kahapon sa Quirino Stadium sa siyudad sang Vigan sa Ilocos Sur.
Sa interview sang Bombo Radyo Iloilo, ginpahayag ni DepEd Region 6 director Ma. Gemma Ledesma nga ginpanginbulahan ni Secretary Briones ang delegasyon sang Rehiyon 6 bangud standout ang mga ini sa pagsulod sa stadium kadungan sang parade of athletes.
Suno kay Dr. Ledesma, gindayaw ni Briones ang artistic nga props sang Western Visayas Blue Barons.
Ginpabugal naman ni Dr. Ledesma nga wala sang may nalipong sa delegasyon sang Region 6 sa opening ceremony apisar sang tuman kainit nga panahon.
Nahibaluan nga mismo si Presidente Rodrigo Duterte ang pormal nga nagbukas sang Palarong Pambansa 2018.