Ginpaidalom sang Office of the Civil Defense Region 6 sa Red Alert status ang Western Visayas bangud sa epekto nga dala sang Bagyo Verbena.
Sa interview sang Bombo Radyo kay Atty. Melissa Banias, Chief sang Operation Section sang OCD 6, iya ginpahayag nga yara na sa Red Alert status ang rehiyon bangud sa heavy rainfall nga dala sang bagyo.
Suno kay Atty. Banias, wala man sang storm surge sa mga coastal areas sa rehiyon apang lauman nga may ara sang sea level rise.
Pahayag pa niya, lapta ang pagbubu sang ulan sa nagkalain-lain sa rehiyon kun sa diin mabatyagan subong nga adlaw ang mamunog nga ulan.
Bilang preparasyon sa bagyo, ginahanda na ang response clusters sa rehiyon kag nagpatigayon man sang Pre-Disaster Risk Assessment (PREDRA).
Nakastandby naman ang mga Search and Rescue Response (SRR) team sa pagpapanguna sang 3rd Infantry Division Philippine Army kaupod ang Philippine Coast Guard, Bureau of Fire Protection kag Philippine National Police.
Sa subong, padayun ang pag-monitor sang operational center sang OCD 6 agud ma-monitor ang bagyo kag mapadasig ang koordinasyon sa pagresponde sa mga pumuluyo.
Dugang pa ni Banias, bisan hasta lang sa tropical depression ang Bagyo Verbena, kinahanglan nga mag-aligmat sa gihapon ang publiko.
Text: Joedel Nollaga
