ILOILO CITY – Magapatigayon ang Department of Science and Technology (DOST) sang pinakauna nga Innovative Startup Fest.
Tema sang kahiwatan amo ang “Bridging Ideas and Opportunities for a Thriving Startup Ecosystem.”
Sa interview sang Bombo Radyo kay Engr. Rowen Gelonga, Regional Director sang DOST Region 6, iya ginpahayag nga maga-umpisa ang aktibidad sa Setyembre 24.
Suno kay Gelonga, ini nga week-long event ang nagatutok sa pagpasanyog sang teknolohiya, innovation, kag entrepreneurship.
Pasakupan ini sang nagkalain-lain nga mga grupo sa Western Visayas sa diin ginalauman nga ipakita sang mga ini ang mga bag-o nga mga ideya agud masalbar ang ecosystem kag mapakita ang future sang innovation.
