ILOILO – Nagapanguna ang probinsya sang Iloilo sa may pinakamataas nga narekord nga kaso sang COVID-19 sa Enero 18 nga report sang Department of Health Region VI.
Sa latest bulletin sang DOH Region VI, 59 ang panibag-o nga COVID-19 cases sa Rehiyon VI kun sa diin 28 ang naghalin sa Iloilo Province, 3 sa Aklan, 4 sa Antique, 12 sa Negros Occidental, kag 12 sa Iloilo City.
Narecord man ang dugang nga 55 ka recoveries kag wala sang may nagdugang sa mga napatay.
Ang Western Visayas ang may yara na subong sang 22, 341 nga total reported cases sang COVID-19.
Sa sini nga numero, 755 ang active cases, 20,893 ang reported recoveries, kag 687 ang reported deaths.
Kun pahat-pahaton ang mga kaso sa rehiyon:
Aklan – 547
Antique – 102
Capiz – 1,232
Guimaras – 255
Iloilo Province – 3,195
Negros Occidental – 6,528
Bacolod City – 5,672
Iloilo City – 4,810
