Naglab-ot sa 43 ang panibag-o nga narekord nga COVID-19 cases sa Western Visayas.
Santo sa Enero 17 nga bulletin sang Department of Health Region VI, 15 sa panibag-o nga kaso ang halin sa Bacolod City, 9 sa Aklan, duha sa Capiz, 11 sa Negros Occidental, kag anom sa Iloilo City.
Narecord man ang dugang nga 11 ka recoveries kag wala na sang may nagdugang sa mga napatay.
Ang Western Visayas ang may yara na subong sang 22,285 nga total reported cases sang COVID-19.
Sa sini nga numero, 754 ang active cases, 20,838 ang reported recoveries, kag 687 ang reported deaths.
Kun pahat-pahaton ang mga kaso sa rehiyon:
Aklan – 544
Antique – 98
Capiz – 1,232
Guimaras – 255
Iloilo Province – 3,170
Negros Occidental – 6,516
Bacolod City – 5,672
Iloilo City – 4,798
