122 ka panibag-o nga kaso sang coronavirus disease 2019 (COVID-19) ang narekord sa Western Visayas.
Sa October 4 bulletin sang Department of Health Region VI, nakasaad nga 120 sa sini nga mga kaso ang local, 1 ang locally stranded individual, kag 1 ang returning overseas Filipino.
Kun pahat-pahaton ang panibag-o nga mga kaso, 85 ang nagikan sa syudad sang Iloilo, 22 sa Iloilo Province, 10 sa syudad sang Bacolod, 3 sa Negros Occidental, 1 sa Aklan, kag 1 sa Antique.
481 naman ang narekord nga bag-o nga recoveries samtang wala naman sang nagdugang sa mga napatay.
Sa kabug-usan, ang Rehiyon VI ang may yara na sang 12, 321 ka kumpirmado nga kaso sang COVID-19; kag sa sini nga numero, 3,661 ang active cases, 8,398 ang total recoveries, kag 262 ang ginbawian sang kabuhi.
