ILOILO – 250 ka panibag-o nga kaso sang COVID-19 ang narecord sang Department of Health – Western Visayas subong nga adlaw, Setyembre 9.
Sa panibag-o nga mga kaso, 232 ang local cases, 3 ang Authorized Persons Outside Residence (APOR), 10 ang locally stranded individuals (LSI), kag 5 ang returning overseas Filipinos (ROF).
Sa sini nga mga kaso, 3 ang nagikan sa probinsya sang Iloilo, 1 sa Guimaras, 126 sa Negros Occidental, 109 sa Bacolod City, kag 11 sa syudad sang Iloilo.
Kadungan sini, may 273 man nga ginreport nga nakarecover.
Sa bag-o nga recoveries, 5 ang halin sa Capiz, 24 sa probinsya sang Iloilo, 6 sa Bacolod City, kag 238 sa Iloilo City.
Isa man ang nagdugang sa mga napatay nga nagikan sa Iloilo City.
As of September 9, ang Western Visayas ang may yara na sang 6,632 confirmed cases sang COVID-19. Sa sini nga numero, 3,013 ang active cases, 3,524 ang nakarecover, kag 95 ang napatay.
Kun pahat-pahaton ang kabug-usan nga kaso sa rehiyon:
Aklan – 16
Antique – 34
Capiz – 120
Guimaras – 52
Iloilo Province – 549
Negros Occidental – 982
Bacolod City – 1931
Iloilo City – 1281
ROFs/LSIs/APORs – 1667
Tagged to other regions – 38
