265 ka panibag-o nga kaso sang COVID-19 ang narecord sa Western Visayas, Setyembre 16.
Suno sa Department of Health Region VI, sa bag-o nga mga kaso, 6 ang locally stranded individuals (LSIs), 7 ang returning overseas Filipinos (ROFs), kag 252 ang local cases.
Sa mga nagpositibo, may 9 sa Capiz, 3 sa Guimaras, 24 sa Iloilo Province, 64 sa Negros Occidental, 50 sa Bacolod City, kag 115 sa Iloilo City.
Kadungan sini, ginreport man sang talatapan ang 121 ka panibag-o nga recoveries kun sa diin may 1 sa Antique, 7 sa Capiz, 9 sa Iloilo, 86 sa Bacolod City, kag 18 sa Iloilo City.
Duha man ang nagdugang sa patay — isa ang halin sa Iloilo City kag isa ang halin sa Negros Occidental.
As of September 16, ang Rehiyon 6 ang may yara na sang kabug-usan nga 8,220 nga kumpirmado nga kaso sang COVID-19; sa sini nga numero, 3,566 ang active cases, 4,528 ang nakarecover, kag 126 ang napatay.
Kun pahat-pahaton ang kaso sa Western Visayas:
Aklan – 37
Antique – 35
Capiz – 208
Guimaras – 57
Iloilo Province – 655
Negros Occidental – 1,344
Bacolod City – 2,535
Iloilo City – 1,606
ROFs/LSIs/APORs – 1,743
Tagged to other regions – 38
