Iloilo City – Nagapabilin nga malinong kag progresibo ang Western Visayas bangud sang aktibo nga liderato sang mga nagapamuno sa Police Regional Office 6.
Sa interview sang Bombo Radyo kay Atty. Joseph Celis, Director, National Police Commission 6, iya ginpahayag nga epektibo ang kampanya sang kapulisan sa pagtapna sang krimen, paghatag sang nagakaigo nga bulig sa mga tawo, kag sa ila presensya sa tion sang emerhensya.
Suno kay Atty. Celis, magluwas sa assessment sang kapulisan, ang Community Service Oriented Policing Triumvirate Principle sang National Police Commission kun sa diin nalakip ang partisipasyon sang mga Local Government Units ang natuman ang natuman kag nangin epektibo nga lihuk sa pagsakdag sang peace and order sa bug os nga rehiyon 6.
Ginapanan-aw man ni Atty. Celis ang mas progresibo nga Rehiyon 6 sa subong nga tuig bangud sa mga investments kag koneksyon sang mga lideres sa mga potential investors.
