ILOILO CITY – Naglab-ot sa 115 ka panibag-o nga kaso sang Coronavirus Disease 2019 (COVID-19) ang nagdugang sa record sa bug-os nga Western Visayas.
Santo sa October 20 nga case bulletin sang Department of Health Region 6, nagsaka na sa 14,906 ang total COVID-19 cases kun sa diin 3,018 ang active cases.
Sa nasambit nga numero sang panibag-o nga kaso, 56 ang gikan sa Iloilo City, 25 sa Iloilo, 15 sa Capiz, 13 sa Negros Occidental kag 4 sa Bacolod City.
Magluwas diri, nadugangan man sang 109 ang total recoveries nga sa subong, nagalab-ot na sa 11,532.
Pito naman ang nagdugang sa mga pasyente nga ginbawi-an sang kabuhi kun sa diin naglab-ot na sa 356 ang kabug-usan nga numero.
Sa subong, 139 ang total COVID-19 cases sa Aklan, 67 sa Antique, 700 sa Capiz, 161 sa Guimaras, 1,695 sa Iloilo, 3,956 sa Negros Occidental, 4,633 sa Bacolod City kag 3,555 sa Iloilo City.
