ILOILO CITY – Naglab-ot sa 240 ka panibag-o nga kaso sang Coronavirus Disease 2019 (COVID-19), 205 ka dugang nga recoveries kag 10 ka deaths ang na record sa Western Visayas.
As of September 19, naglab-ot na sa 9,044 ang COVID-19 cases kun sa diin 3,570 ang active cases, nagsaka na sa 5,326 ang recoveries kag 148 na ang numero sang ginbawi-an sang kabuhi.
Sa 240 ka panibag-o nga kaso, 16 ang naghalin sa Aklan, 15 sa Capiz, 1 sa Guimaras, 13 sa Iloilo, 49 sa Negros Occidental, 95 sa Bacolod City kag 51 sa Iloilo City.
Sa new cases, 1 ang Locally Stranded Individual, 2 ang Returning Overseas Filipinos, 231 ang Local kag 6 ang for verification.
Ang Aklan ang may 53 ka COVID-19 cases, Antique nga may 35, Capiz nga may 227, Guimaras nga may 59, Iloilo Province nga may 682, Negros Occidental nga may 1,567, Bacolod City nga may 2,833, Iloilo City nga may 1,776, ROFs, LSIs kag APORs nga may 1,812 kag 38 ang nalakip sa Tagged to other regions.
