ILOILO CITY – Kapin sa 300 ka dugang nga recoveries ang na record sang Department of Health may kaangtanan sa Coronavirus Disease 2019 (COVID-19).
As of October 22, naglab-ot sa 293 ka dugang nga recoveries ang na record kun sa diin nagsaka na sa 11,927 ang kabug-usan nga numero sang mga pasyente nga nag-ayo.
Nagsaka man sa 15,205 ang total COVID-19 cases sa Western Visayas matapos nga 163 ka panibag-o nga kaso ang nagdugang sa listahan samtang 3 naman ang nagdugang sa numero sang mga napatay kun sa diin ang total deaths ang nagsaka sa 359.
Sa 163 ka panibag-o nga kaso, 70 diri ang gikan sa Iloilo City, 38 sa Negros Occidental, 26 sa Iloilo, 24 sa Bacolod City kag 5 sa Aklan.
Sa subong, ang Aklan ang may 144 ka total COVID-19 cases, 67 sa Antique, 710 sa Capiz, 163 sa Guimaras, 1,742 sa Iloilo, 4,024 sa Negros Occidental, 4,670 sa Bacolod City kag 3,685 sa Iloilo City.
