ILOILO CITY – Record breaking ang numero sang COVID-19 cases kag recoveries nga napagkit sa case bulletin sang Department of Health Region 6.
As of September 17, naglab-ot sa 334 ka panibag-o nga COVID-19 cases ang na record, 224 ka mga pasyente ang nagdugang sa recoveries samtang 2 ang nagdugang sa mga pasyente nga ginbawi-an sang kabuhi.
Naglab-ot na sa 8,553 ang kabug-usan nga COVID-19 cases sa Rehiyon 6 kun sa diin 3,673 ang active cases, 4,752 naman ang naka-recover kag 128 ang casualty.
Sa 2,758 ka laboratory results, 358 diri ang nagpositibo apang 24 ang ginpaidalom sa repeat test samtang 2,400 ang negatibo.
Sa 334 ka panibag-o nga kaso, 4 ang gikan sa Capiz, 8 sa Iloilo, 87 sa Negros Occidental, 162 sa Bacolod City kag 73 sa Iloilo City.
Sa bug-os nga Western Visayas, ang Aklan ang may 37 ka COVID-19 cases, Antique nga may 35, Capiz nga may 212, Guimaras nga may 57, Iloilo Province nga may 661, Negros Occidental nga may 1,411, Bacolod City nga may 2,695, Iloilo City nga may 1,673, ROFs, LSIs kag APORs nga may 1,772 kag 38 ang nalakip sa Tagged to other regions.
