ILOILO CITY – Nagsaka sa 3,152 ang kumpirmado nga Coronavirus Disease 2019 (COVID-19) cases sa Western Visayas matapos nga 78 ang nagdugang sa listahan.
As of August 20, sa 909 ka laboratory results ang ginpaguwa sang anum ka laboratoryo sa Rehiyon 6, 86 ang nagpositibo apang walo diri ang nagpositibo sa repeat test kun sa diin 1,660 ang active cases.
Kun pahat-pahaton ang 78 ka panibag-o nga kaso:
Guimaras – 2
Iloilo Province – 16
Iloilo City – 32
Negros Occidental – 19
Bacolod City – 9
Sa panibag-o nga kaso, 76 ang Local, isa ang Returning Overseas Filipino kag isa ang Locally Stranded Individual.
Nagsaka sa 1,442 ang total recoveries matapos nga 57 ang nagdugang samtang apat ang new deaths rason nga 50 na ang numero sang ginbawi-an sang kabuhi.
Sa subong, ang Aklan ang may 9 ka COVID-19 cases, Antique nga may 25, Capiz nga may 18, Guimaras nga may 33, Iloilo Province nga may 297, Negros Occidental nga may 250, Bacolod City nga may 409, Iloilo City nga may 641, ROFs, LSIs kag APORs nga may 1,470 kag 34 ang nalakip sa Tagged to other regions.
