ILOILO CITY – Nagdepensa ang Western Visayas Transport Cooperative (WVTC) sa reklamo sang mga pasahero sa magutok nga sitwasyon sa sulod sang mga modernized jeepneys.
Sa interview sang Bombo Radyo kay Mr. Halley Alcarde, General Manager sang nasambit nga kooperatiba, iya gin-ako nga madamo na siya sang mga nabaton nga reklamo natuhoy sa inconvenience nga naeskperyensyahan sang mga pasahero.
Suno kay Alcarde, nagakadapat nga intindihon sang mga pasahero nga bag-o pa lang ang Public Transport Modernization Program sang gobyerno, rason nga may mga adjustment pa sila nga ginapatuman.
Ginpahayag sini nga sa subong, kulang pa ang mga modernized jeepneys rason nga nagaginutok ang mga pasahero ilabi na sa tion sang rush hour.
Ini ang masami man nga ginatunaan sang pagbaisay ang mga konduktor kag mga pasahero.
Nagalaom man ini nga suportahan sila sang gobyerno.
