Wala na sang drug lord sa Western Visayas.
Sa exclusive interview sang Bombo Radyo kay Shey Tanaleon, spokesperson sang Philippine Drug Enforcement Agency (PDEA), Region 6, iya ginpahayag nga santo sa ila monitoring, wala na sang dako nga durugista nga naga-oprate sa rehiyon.
Apang suno kay Tanaleon, may ara sang mga “new player ukon bag-o nga mga durugista” sa Western Visayas.
Gin-ako man sang natungdan nga maya ara sang mga high value target kag high impact personalities sa rehiyon.
Suno kay Tanaleon, ang mga halimbawa sang high value target amo ang mga Government officials, public official, celebrities, kag professionals.
Samtang ang mga high impact personalities naman amo ang nagabaligya sang mga dalagko nga bulto kag kinilo nga iligal nga droga.
Gin-athag man sang natungdan nga ang PDEA kag Philippine National Police ang may yara sang kaugalingon nga Intelligence report kag tagsa ka mga target.
