Wala sang reported death bangud sa COVID-19 sa Western Visayas base sa case bulletin sang Department of Health.
Bangud sini, nagapabilin sa 759 ang kabug-usan nga numero sang mga napatay sa rehiyon 6.
As of March 14, 108 ka mga kaso sang COVID-19 ang nagdugang.
Nagapanguna sa may madamo nga kaso nga napagkit amo ang Negros Occidental nga may 20; Iloilo Province may 62; Iloilo City may 12; Aklan nga may 12 kag duha naman ka kaso sa Bacolod City.
Ang kabug-usan nga numero sang COVID-19 cases sa Western Visayas ang naglab-ot na sa 25,832 sa diin 1,249 diri ang makabig nga active cases.
Samtang madamo naman ang mga nakarecover sa diin 36 diri ang nagdugang kag may yara na sang total reported recoveries nga 23,818.
Kun pahat-pahaton ang kabug-usan nga kaso sang COVID-19 sa tagsa ka mga probinsya kag syudad sa Western Visayas;
Aklan – 1,016
Antique – 114
Capiz – 1,307
Guimaras – 325
Iloilo Province – 4,806
Negros Occidental – 6,950
Bacolod City – 5,849
Iloilo City – 5, 465
