US – Mas nag ibwal pa ang kaakig sang mga nagaprotesta sa Estados Unidos matapos ang nangin pahayag ni US President Donald Trump nga ‘When looting starts, shooting starts too’.
Ini kaangot sang pagkamatay sang black american nga si George Floyd sa kamot sang kapulisan sa Minneapolis sa Minnesota nga nagtuga sang lapnagon nga hublag protesta nga nagapakita sang suporta sa pagpanawagan sang hustisya.
Suno kay Bombo International Correspondent Rev. Fr. Victorino Coronado direkta sa New Jersey, USA daw kaangay nga nagapakita nga wala sang simpatiya si President Trump sa natabo nga insidente.
Bangud diri, madamo nga syudad subong sa Estados Unidos ang nagakinagamo nga gintuga sang mga nagaprotesta.
Santo sa pahayag ni Coronado, nagdangat na sa halos 40 ka estado ang apektado sang nasambit nga kinagamo nga ginalakipan sang Atlanta, Philadelphia, Seattle, Los Angeles, Chicago, Columbia, Ohio, Pittsburgh, Denver, Salt Lake City kag madamo pa.
Dugang sang natungdan, daw kaangay man nga nalimtan na sang mga tawo ang problema sa Coronavirus Disease 2019 bangud mas ginapili nila nga maggwa kag magpakigbahin sa hublag protesta.
Santo sa pahayag ni, wala naman ginasunod ang mga health protocols kasubong sang pagsuksok sang face mask kag physical distancing.
