Opisyal na nga gin-detain sa House of Representatives ang Whirlwind Corporation incorporator nga si Katherine Cassandra Li Ong.
Pila ka oras matapos ginkumpirmar ni Santa Rosa City Representative Dan Fernandez nga gindala si Ong halin sa National Bureau of Investigation (NBI) pakadto sa House premises, kon sa diin naguwa man ang mga litrato ni Ong sa sulod sang House detention facility ginpaguwa.
Si Ong ang ginasiling nga nagapanag-iya sang 58 percent nga bahin sa Whirlwind Corporation, ang kompaniya nga nag-arkila sang duta sa Porac, Pampanga, sa Philippine offshore gaming operator (Pogo) Lucky South 99.
Indi magnubo sa 186 ka mga foreigners kag Pilipino nga mga trabahador ang naluwas sa Porac Pogo hub, nga ginsulod sang nagligad nga Hunyo 4 bangud sa mga ginatumod nga kaso sang human trafficking.
Ang mga pahayag ni Fernandez nag-abot pagkatapos sang separado nga kumpirmasyon gikan sa House Sergeant-at-Arms, retired Police Maj. Gen. Napoleon Taas, kag ang abogado ni Ong,nga si Ferdinand Topacio.
