ILOILO CITY – Tun-an pa sang kampo sang Customs broker nga si Ruben Taguba, ang ginatanyag sang Department of Justice nga magpaidalom ini sa Witness Protection Program (WPP).
Sa interview sang Bombo Radyo Iloilo, ginpahayag sang abogado ni Taguba nga si Atty. Leoncio Superio nga ila tun-an ang mga testimonya sang iya kliyente.
Nakadepende suno kay Superio ang pagka-state witness kun ano kabug-at ang mga testimonya sang broker may kaangtanan sa pagbuyagyag sini sang mga iligalidad sa Bureau of Customs.
Ginpanindugan ni Atty. Superio nga indi sa iya kliyente ang mga containers kun sa diin nakumpiska ang P6.4 billion nga balor sang shabu nga nakalusot sa Customs.
Suno pa sa abogado, sigurado nga mas mabug-at ang testimonya ni Richard Tan nga nagapanag-iya sang warehouse kun sa diin nakumpiska ang droga.