Nagpadulong na ang team sang World Health Organization sa China agud maghimo sang imbestigasyon kun sa diin naghalin ang Coronavirus Disease 2019 nga nagtuga sang pandemya sa bilog nga kalibutan.
Ginapatihan nga ang virus ang nag-umpisa sa wholesale market sa central Chinese city sang Wuhan sang nakaligad nga tuig.
Suno kay Margaret Harris, tagpamaba sang World Health Organization, duha ka mga eksperto gikan sa WHO nga lunsay mga specialists in animal science and epidemiology ang mabulig sa mga Chinese scientists agud ma determina ang kasangkadon imbestigasyon.
Pahayag niya, isa sa dako nga isyu nga luyag mahibalo-an sang tanan kun bala halin sa sapat nga virus nga nag infect sa tawo gani animal health expert ang ginpadala sa China.
Nahibaluan nga mismo sanday US President Donald Trump kag Secretary of State Michael Pompeo ang nagapati nga nag-originate sa laboratoryo sa Wuhan ang virus kag ini naman ang hugot nga ginpanginwala sang China.
