Ginpaandaman sang World Health Organization ang Europe bangud sa makaalarma nga transmission sang COVID-19 amo man sa mga pungsod nga may malip-ot nga quarantine period.
Suno kay Hans Kluge, regional director for Europe sa World Health Organization, dapat nga magserbe na nga wake up call ang pagtaas sang kaso sang COVID-19 sa Europe subong nga Setyembre.
Dugang pa niya, apisar nga ang pagtaas sang numero ang bangud sa comprehensive testing, makabig ini sa gihapon nga alarming rates sang transmission.
Sa France, ang kalawigon sang self-isolation ang ginpanubo sa pito ka adlaw.
Samtang 10 naman ka adlaw sa United Kingdom kag Ireland.
Nahibaluan nga ang 53 ka mga member states sang WHO Europe ang naka rekord sang malapit lima ka milyon nga mga kaso sang COVID-19 kag masobra 227,000 ang patay.
