May yara na sang community transmission sang UK kag South Africa variants sang COVID-19 virus sa National Capital Region Plus bubble.
Suno kay Dr. Rabindra Abeyasinghe, World Health Organization representative sa pungsod, may yara sang rason nga dapat magpati ang publiko nga may yara sang comunity transmission sang duha ka mga variants sa NCR Plus base sa ebidensya kag numero sang mga kaso.
Pahayag pa niya, mahimo nga sa iban nga mga lokasyon sang Pilipinas, may yara man sang community level transmission sang sini nga mga variants — ang B117 kag B1351.
Dugang pa ni Abeyasinghe, ang kapaslawan nga matukiban kun sa diin ang gin-umpisahan sang virus ang mahimo tuga sang mahina nga contact tracing.
May yara man sang community transmission sang UK variant sa Cordillera Administrative Region.
Ang variants ang isa sa mga factor kun ngaa nagataas ang kaso sang virus sa pila ka mga lugar sa guwa sang NCR.
Nagpanawagan man ang WHO sa Department of Health nga mas pasangkaron pa ang case finding sang India variant cases.
