Nagpaandam ang World Health Organization sa mga pungsod nga mapaslawan maggamit sang tanan nga pamaagi agud pakig-batuan ang Coronavirus Disease 2019 (COVID-19).
Suno kay Director General Tedros Adhanom Ghebreyesus, mabudlayan kag madugayan ang isa ka pungsod sa pagtapna sang COVID-19 sa tion nga indi maggamit sang insakto ang mga pamaagi.
Masobra 10.5 million ka tawo na sa bilog nga kalibutan ang infected kag masobra tunga sa milyon ang nagkalamatay humalin sang nag tuhaw ang COVID-19 sa Wuhan, China.
Una na nga nagpahayag si WHO emergencies expert Mike Ryan nga may plano ang United Nations nga magpadala sang duha ka mga eksperto sa China agud ma tul-id kun ano ang ginhalinan sang virus.
(In photo: Tedros Adhanom Ghebreyesus/Photo from Time Magazine)
