WHO nakig-angot na sa BGI biotechnology sang China may kaangtanan sa reklamo sang Sweden sa testing kit

Ginalantaw na subong sang World Health Organization (WHO) kun may yara sang iregularidad sa COVID-19 PCR swab test sang BGI Biotechnology sang China may kaangtanan sa natabo sa Sweden.

Ini bangud nga 3,700 ka tawo sa Sweden ang nakabaton sang ‘false positive results’ kag ang ginatudlo nga may sala amo ang produkto sang kompaniya nga halin sa China.

Apang nagapanindugan ang kompaniya nga ang ila diagnostic coronavirus testing kit ang may mataas nga accuracy rate.

Nakig-angot na ang WHO sa manufacturer kag naghingyo naman ini sang root cause analysis.