Pito ka tawo na ang na-rekord nga patay bangud sa wildfire sa mga lugar sa US West Coast.
Suno sa local police, sa pito ka mga napatay, tatlo diri ang sa northern California, tatlo man sa Oregon kag ang isa ka tuig nga bata sa Washington.
Sa nasidlangan nga bahin sang Salem, Oregon, nag umpisa na ang search and rescue team sa pagsulod sa mga komunidad nga ginlamon sang kalayo kaangay sa Detroit agud nga ma-evacuate ang mga residente matapos nga ang military helicopters ang indi na magamit.
Sa facebook post sang Idanha-Detroit Rural Fire Protection District, ila ginpaandaman ang mga tawo sa Detroit kag Idanha areas nga mag amat-amat na halin sa lugar bangud wala sila sang gamit agud nga i-rescue ang mga tawo kun sila ang ma-trap sa kalayo.
