LISBON,PORTUGAL– 1,000 nga mga bombero ang nagtingub pwersaagud mapalong ang nagluntad nga wildfire sa Lisbon, Central Portugal.
Suno sa Portugal’s Civil Protection Agency nagluntad ang kalayo sang Sabado sa distrito sang Castelo Branco, 200 kilometro Northeast sang Lisbon.
Nagbulig man ang 10 ka mga firefighting aircraft kag firefighting vehicles.
Ang nasambit nga wildfire ang nagtuga sang halit sa walo ka mga bombero kag 12 ka mga sibilyan nga yara sa subong sa hospital.
Ini ang pinakadako nga wildfire nga nagluntad sa Portugal subong nga tuig.
Sa subong, padayon nga gina imbestigahan kun ano ang rason sang wildfire kag padayon man nga gina monitor ang wildfire agud hindi na ini maglapta pa.
