Nagayuhom-yuhom nga nagpadulong sa estasyon sang Bombo Radyo ang isa sa special draw winner sang Buena Mano Salvo Year 20 Promo sang Bombo Radyo kag Star FM agud kuhaon iya nga mga premyo.
Ini amo si Milagrosa Meterio, 69-anyos, sang Brgy. 4, Suarez St. San Miguel, Iloilo kag naggamit sang Universal Rubina Corporation product nga Chippy kag Mr. Chips bilang iya proof of purchase.
Nabaton sini ang P500 cash kag limited edition 60th Anniversary Bombo Radyo Exclusive AM/FM transistor radio nga indi fixed dial.
Suno sa iya, gamitun niya ang iya nadag-an agud nga ibakal sang iya maintenance nga bulong.
Nagapang-agda man ini sa publiko nga mag-intra na sa Buena Mano Salvo year 20 promo sang Bombo Radyo kag Star FM agud nga magdaug man kaangay niya kag mas magdako ang tyansa nga mangin milyonaryo sa paalabuton nga grand draw kun sa diin nagahulat ang 1 Million pesos nga cash sa grand prize winner.
