Magaumpisa na subong nga adlaw, Marso 4, ang Winter Paralympics sa Beijing, China.
Milagro naman para sa mga atleta sang Ukraine nga nakaabot sila nga buhi sa amo nga hinampang kag makatiglawas sa ila pungsod sa isa ka prestihiyoso nga kumpetisyon apisar sang pagpamomba kag kakugmat nga nagakatabo subong sa Ukraine.
Sandig sa una nga anunsyo sang International Paralympic Committee (IPC), 20 ang atleta nga halin sa Ukraine nga magapasakop sa biathlon kag cross-country skiing.
Daku ang pangalan sang amo nga pungsod sa Paralympics bangud sang 2018, nakuha nila ang 22 ka mga medalya, lakip na ang pito kag gold — kag nagpang-anum sa world tally.
Sa pihak nga bahin, gindumilian naman ang mga atleta sang Russia kag ang kaalyado sini nga pungsod nga Belarus nga magpasakop sa paralympics.
