MANILA – Naga-enjoy sa single life si Reina Hispanoamericana 2017 Winwyn Marquez.
Ini ang sabat sang 28 anyos nga Pinay beauty queen may kaangtanan sa isyu tuhoy sa iya soon-to-be-dad nga ex-boyfriend nga si Mark Herras.
Suno kay Winwyn, nalipay siya bangud mangin isa na ka amay si Mark sa ginadala nga baby boy sang iya partner nga si Nicole Donesa.
Ginpahayag ni Winwyn nga luyag niya nga ipalab-ot ang iya pagpanginbulahan sa celebrity couple apang humalin sang ila break-up sang Pebrero, wala pa sila naka-istoryahanay ni Mark.
Sa subong suno sa labing una nga Pinay Reina Hispanoamericana, naga-focus siya sa Basic Citizen’s Military Training bilang reserve force sang Philippine Navy.
